注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

No pain no gain

建筑设计>>hjl891212 flickr>harrywong891212

 
 
 

日志

 
 
关于我

lifestyle 建筑 设计 摄影 大混集

网易考拉推荐
GACHA精选

开学了  

2010-10-17 08:37:30|  分类: 默认分类 |  标签: |举报 |字号 订阅

  下载LOFTER 我的照片书  |
不知不觉开咗学两个星期了。回溯返去快学前3个星期,继去咗莎翁嘅故乡stratfort-upon-avon之后,学校又组织咗我哋去bradgate park。
简单啲嚟讲就系一个原生态嘅郊野公园。里面生活住一群自由快活嘅红鹿,搞到个公园成地鹿屎……好才英国啲天气够冻,所以完全唔臭。同理,宿舍嘅垃圾房都唔系好臭,非常好。
之前先话自己如此那般唔中意香港人,点知自从上次履行有两个香港人过嚟搭讪之后,就成鬼日一齐行动了~难得撞到个同系嘅,仲要有个系同专业,即系话同班嘅添~  噉发觉其实啲香港人又冇话全部都咁恶顶嘅,系之前laa多极品嗟~
由于单反里面啲相一直懒得整理,所以都系po住啲手机相先~
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所

跟住讲下整嘢食,话说上次喺宿舍开咗个并唔成功嘅party之后,今次由我哋flat嘅alex出马整意大利面食,由于水平好高,所以我封咗佢做我哋flat嘅chef cook!即系大厨!
开学了 - harry - 哈梨见竹视雾所

之后又开咗好多次大食会party,琴晚嗰次最盛大,10+个嚟自7个唔同国家地区嘅人食咗7,8个风味各异嘅自制pizza(当然系由chef cook主持大局),从8点到12点,以一种对于所有人都唔系母语嘅语言——英语——作为工具,吹咗劲多嘢,从生活笑点到语言到社会到政治到宗教,乜都探讨过,真系好开心~  开完p啲女仔会好自觉噉洗碗,啲男仔就摊嗮喺度吹水,真系分工有序。。。

从呢件事引出一个话题,就系男生宿舍嘅厨房同女生宿舍嘅比起身真系差好远。。。由于英国冇消毒碗柜,啲餐具洗完就噉晾干。以下系一个嚟我宿舍黐餐嘅女仔睇到我哋洗手池里面一堆乌糟餐具觉得忍无可忍于是帮我哋洗好之后嘅盛况。。。大家可以自由想象呢堆嘢全部堆喺洗手池里面嘅景象……
开学了 - harry - 哈梨见竹视雾所


讲翻我自己,自从我发觉我哋宿舍好多人都喺厨房自己整嘢食,慢慢我都发觉原来学校餐厅啲嘢都几难食,所以就尝试下自己喺厨房搞嘢食了。。。
呢个系尝试,虽然最后净系食咗中间啲陷。。。
开学了 - harry - 哈梨见竹视雾所

跟住发觉中国人都系要食饭,所以就问人借咗个电饭煲开始煮饭食啦~
开学了 - harry - 哈梨见竹视雾所
开学了 - harry - 哈梨见竹视雾所
食咗无数次喺超市买嘅方便食品(我指嘅系餸,即系一摆摞微波炉或者焗炉加热就食得,或者稍微煎下就食得嘅嗰啲),我开始顶唔顺了,于是开始咗腐乳捞饭,炸紫菜捞饭,日本紫菜鰹鱼芝麻调味料捞饭,橄角菜捞饭……
开学了 - harry - 哈梨见竹视雾所

终于又到咗忍无可忍嘅时候,我开始尝试整下中餐。。。  腊味饭系个好开始,不过made in england嘅腊味味道就真系同我嘅要求有差距。。。
开学了 - harry - 哈梨见竹视雾所

当然,人嘅潜能系被激发出嚟嘅,喺对中西式方便食物嘅忍耐力达到极限之后,我开始真真正正噉整中国菜了,目前紫菜冬菇(鸡肉)蛋花汤已经可以灵活掌握,甚至可以喺等大食会party开始嘅过程中肚饿过头,15分钟煲出嚟顶下肚添~
跟住,居然发觉市场由名为“china leaves”嘅大白菜卖,于是买翻嚟随便煮熟用蚝油捞,发觉劲好食!绝对好食过蚝油生菜!!!
以下几味都喺第一次做几成功嘅菜式,虽然唔系太完美,尤其喺啲英国腊味真系好咸!但对于用“好食”呢两个嚟形容就一啲都冇夸张。。。
开学了 - harry - 哈梨见竹视雾所
蚝油炒蘑菇,腊味椰菜花,三色蒸蛋(妈咪,我终于识蒸蛋啦!!!而且喺第一次就成功咗!!!)……
开学了 - harry - 哈梨见竹视雾所
 
讲翻下其他嘢,我而家收集紧minisize嘅汽水罐~好得意,不过唔知点样带返中国。。。我宿舍间房大过屋企我间房,唉,都唔知咩事。。。
开学了 - harry - 哈梨见竹视雾所
 
部macbook用下用下居然有个掣反咗一半出嚟,好彩冇乜事……话说我部macbook嘅系统而家好唔稳定,唔知系未因为佢嘅系统系直接由另外一部macbook度映射过嚟嘅缘故,发生咗好多喺以前部mac度冇遇到过嘅问题,间接导致我部iphone4越狱失败,唉唉唉。。。
开学了 - harry - 哈梨见竹视雾所
 

讲翻英国,英国都几干净,干净到地面上啲香口胶全部都系白色(联想下广州地面黑色一嚿嚿黑色嘅嘢。。。)!!
开学了 - harry - 哈梨见竹视雾所
搞到啲人好直接坐上我张床。。。唉,喺广州我系绝对唔会畀人着住出街返嚟嘅衫坐上我张床嘅,而家我张床居然畀人排排坐,搞到有轻微洁癖嘅我好耐都习惯唔到!!!
开学了 - harry - 哈梨见竹视雾所
 
有一次想同啲flatmates去打篮球,发觉方圆唔知几公里唯一一个篮球场居然畀人租咗嚟玩飞碟!冇错!就系细路仔玩嘅飞碟!仲要全部系成年男性!仲要据闻系一个俱乐部!!!!英国人打篮球真系唔得,不过橄榄球同足球就真系好风行!学校旁边有个公园,所谓公园就系一个劲大块嘅草地,好多人喺上面踢波,我同啲flatmates(n fds)去过一次,居然揾翻细细个喺麓湖聚芳园踢波嘅感觉!感动到咩噉!不过由于手机出咗问题所以啲相冇嗮=3=....
开学了 - harry - 哈梨见竹视雾所

跟住有一次佢麦当劳,发觉啲嘢好贵!居然贵过去cafe!除咗贵之外,仲有好多奇趣嘢,例如任你挤嘅番茄酱。。。同埋好多嘅bb,终于点解啲外国人都咁大份,原来从细佢哋嘅父母就中意推住个bb车带佢哋去食麦当劳……
开学了 - harry - 哈梨见竹视雾所
 
跟住leicester作为一个移民城市,系劲多穆斯林同埋印度人嘅!
开学了 - harry - 哈梨见竹视雾所
 
又jump翻去3个星期前,临开学,好多本地学生开始入住宿舍,所以间学校夜晚就变到好热闹,三更半夜都系三三两两着得鬼死咁少揸住酒樽周围去蒲嘅学生。。。认真奔放。。。
开学了 - harry - 哈梨见竹视雾所

右手边系我嘅hall,左手边畀栋楼遮住嘅系一间900年历史嘅教堂,我间hall地处古时候leicester castle嘅旁边,所以嗰度附近建筑物同地名路名都有个castle喺度。。。
开学了 - harry - 哈梨见竹视雾所
关于我间学校:De Montfort University呢个奇怪嘅名,我当初一睇就觉得佢似法国贵族啲姓氏,一查,果然系。原来n个世纪前,莱斯特伯爵,Simon De Montfort,亦即系leicester castle嘅主人同埋我哋学校个名嘅来源,就系一个有法国血统嘅英国贵族。而佢喺英格兰历史里面都几有名,皆因佢逼当时嘅国王Rechard III喺leicester castle 举行咗英格兰国会(即系历史书上成日讲嘅英国啲贵族点样同啲国王斗争争取议会政治了),搞到后来畀国王五马分尸咗。。。为咗纪念佢,所以我哋间学校就用咗佢个姓嚟命名啦~

讲翻去学习。
 由于学校嘅安排好差(呢点喺之后嘅上课途中深有体会),所以喺介绍学校课程,细节等等嘅介绍周里面,长期系地面坐满嗮人。。。
开学了 - harry - 哈梨见竹视雾所

 跟住就真正开学了,第一日下午有一节两个钟嘅建筑史lecture课,好似开议会噉嘅阵仗,突然发觉自己90%听唔明==开始质疑自己啲英文系未咁差,点知后来问下啲同学,发觉原来好多人都同自己一样==……   好彩,第二堂课开始听得明咗好多,不过依然唔够半数…… 估计慢慢会好起身的……  好彩自己唔系嚟读商科,嗰啲堂堂都系lecture嘅讲埋嗮啲闻所未闻嘅鬼死咁复杂嘅概念嘅课,真系唔知有几多个人可以听得明。。。
开学了 - harry - 哈梨见竹视雾所
 
哈哈,又喺jimmy choo,都话佢同DMU老友过CSM嘎啦~
开学了 - harry - 哈梨见竹视雾所
 
我哋专业啲课真系多到无伦,一个星期有16~18课时!而且一共只有三门课:design,history&theory,technology。分成lecture(上大课),studio(小组讨论),computer lab(电脑课)三种形式。啲课下下都2个钟,最长嗰个系6个钟(上午1个钟,中午休息1个钟,下午5个钟)嘅design studio!而且啲作业都系多到无伦!!!而且系好连贯,一环扣一环,你想偷下懒都唔得,真系绝!
开学了 - harry - 哈梨见竹视雾所
 

伤心嘅事情唔好提,继续讲去旅行~DMU对国际学生真系好,成日搞福利旅行,今次系去warwick castle!同我宿舍旁边剩翻几嚿砖嘅leicester castle唔同,佢好宏伟,维护得好好~(以下图片大部分由我使用一部三星小dc拍摄)
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
因为临近万圣节,所以个城堡通街都摆满篮瓜……
开学了 - harry - 哈梨见竹视雾所
行咗出城堡,去咗镇中心,发觉开紧嘉年华,就喺啲路中间,好大规模,占咗n多条街,不过啲设施(包括机动)都好mini-size,但系啲感觉好正,睇翻中国啲门飞鬼死咁贵嘅大游乐场里面玩嘅全部喺十几二十几岁嘅人,呢度就全部系啲大人带住啲鬼死咁细嘅小朋友玩,真系好和谐~ 越来越中意英国呢啲小而精致而和谐嘅生活场面~
开学了 - harry - 哈梨见竹视雾所
开学了 - harry - 哈梨见竹视雾所
呢只狗好得意,不过唔肯配合我影相,佢个主人睇上去好英格兰阿伯,好唔nice嗰种。。。
开学了 - harry - 哈梨见竹视雾所
 
讲起唔nice,我又一次同一个嚟我哋宿舍帮我哋换炉具嘅苏格兰维修师傅倾偈,发觉苏格兰人啲英文好差,发音仲差过我,估计就词汇量大过我,畀佢死赞我英文好我都唔知讲咩好。。。跟住倾下倾下发觉苏格兰人真系好倾得,好乐天好随和~   跟住佢又话印度人唔好(leicester劲多印度人!!),唔中意佢哋,中国人好(英国人唔点关注除美国外其他国家嘅新闻,估计佢未睇过中国啲假XX,毒XX嘅新闻),中意中国人。继而谈论到中国女人,佢话(以下基本上系原话):chinese girls are beautiful! 我话:erhhhh,yea,a lot of white men in china have chinese girl friend. but always not beautiful...    maybe the standard between us is different。佢话:chinese girls are beatiful!!  我:…………


最后,po上花草树木若干。
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
开学了 - harry - 哈梨见竹视雾所
 
 结束语:英国真系好干燥!虽然佢成日落雨!而且leicester开始降温了!好冻吖啲风!挂住喺广州嘅各位!

  评论这张
 
阅读(308)| 评论(11)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017