注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

No pain no gain

建筑设计>>hjl891212 flickr>harrywong891212

 
 
 

日志

 
 
关于我

lifestyle 建筑 设计 摄影 大混集

网易考拉推荐

我嘅叔公  

2010-08-08 23:54:01|  分类: 默认分类 |  标签: |举报 |字号 订阅

  下载LOFTER 我的照片书  |

今日跟住老窦去见阿爷个结拜兄弟,即系我嘅叔公!老人家今年就90大寿了,身体好到不得了!


呢个叔公就威水咯,当年系黄埔14期出身,23岁就做咗新一军少校,作为先头部队进入缅甸打日本仔!远征受挫后徒步穿过野人山回国(非战斗减员超过80%,可谓死里逃生)!!跟住有官唔做去咗西南联大读书!抗战胜利后做咗广东省主席嘅侍从参谋(一人之下万人之上啊~~),六中前身长风中学(呢间嘢犀飞利咯,啲教师全部西南联大毕业,啲学生十有八九参加东江游击队)就系佢负责同当年嘅海珠王倾数,征地办起身嘎啦!不过由于佢双亲喺泰国,当佢翻泰国探亲嘅时候,当地乡绅强收翻长风中学嗰块地皮(抗战前系十九路军残疾军人疗养院,广州沦陷嘅时候畀日本仔铲平咗)= =


解放前夕,由于我阿爷好鬼信仰共产主义(佢当时系广东省粮厅啲官员),唔肯随广东政府去海南岛,佢嘅另外一个结拜兄弟有说服唔到佢走。于是呢个叔公就喺香港马鞍山揾咗两份工,一份畀自己,另一份畀我阿爷。话佢喺两个兄弟之间选择中间道路,唔留喺大陆又唔去台湾,先去香港打几年工,睇下形势点样发展先。但系我阿爷打死都唔走,所以佢就选择留低陪我阿爷。(好彩冇跟佢上司去台湾,负责接收台湾嘅新一军系将领,由于喺台湾当地势力好大,所以除咗孙立人畀蒋介石软禁咗之外,其他下属全部畀老蒋枪毙嗮,我叔公去到都系前途未卜嘎啦)


解放后,佢又去咗政治学院读书,毕业后由于特殊嘅身份背景,畀人分配咗去情报科,叫佢翻泰国搞情报,要我叔婆办工厂掩护佢。不过佢觉得唔啱佢,冇服从到分配,就去咗教书,所以而家仲住喺暨大华文学院嘅教师宿舍里面。(如果佢去咗泰国会点?请联系澳门马万祺,一个典型嘅中共资助,帮中共打工嘅资本家)


讲起教书,叔公佢就乜都教,尤其地理好鬼掂,佢去斐济生活咗10年,就系为咗陪个孙读书,因为佢个孙唔识英文,跟住佢就过去陪读,上课嘅时候就坐喺个孙旁边,miss讲一句,佢就翻译一句(隔咗几十年啲英文仲咁掂,你叫而家啲大学生点样自处?)... 


一直觉得,我身边嘅长辈,(或者讲系广东人普遍现象,)都系解放前捞得好好,又都好进步好左倾,畀中共揾嗮笨留喺大陆,搞到有些少凄凉。认真谂下,有时真系邓佢哋唔抵。不过佢哋呢代人,只要仲健在嘅,都睇得好开。喺动荡年代出声嘅嗰一代,真系有好多古仔,有好多经验教训值得我哋去回味!

  评论这张
 
阅读(122)| 评论(1)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017