注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

No pain no gain

建筑设计>>hjl891212 flickr>harrywong891212

 
 
 

日志

 
 
关于我

lifestyle 建筑 设计 摄影 大混集

网易考拉推荐

HK游记  

2009-07-27 20:12:58|  分类: 默认分类 |  标签: |举报 |字号 订阅

  下载LOFTER 我的照片书  |
PLAN咗成个星期,终于出发啦~
好老衬咁听老窦讲坐BUS过去,点知坐咗4个几钟,简直噩梦!仲搞到亲爱嘅区美娟小姐等咗我成个钟...话说HK嘅口岸真系唔屌唔得,几百万HK人,打打手指模就可以入关,仲要十几二十个窗口。而十几亿大陆人,要慢慢核对证件嘅情况下,先得几个窗口,我屌你咩!点知喺口岸啲职员就真系不断畀人屌,所以就剌剌临开多咗几个窗口,杯水车薪咯...
游记正式开始:
JOUR 1
中午到埠,摆低行李(住宿环境简直恶劣!)之后去咗狼嚎坊乱咁行。唯一有印象就系嗰几嚿好高人气嘅明显系呃细路嘅星座雕塑...
逛完朗豪坊出嚟,因为出门出得太急,功课冇做齐,于是就临时将之后嘅图书馆行程题咗上嚟,去咗香港中央图书馆啦。 (话说区美娟小姐真系重量级路痴...)
HK游记 - harry - 哈梨見竹視霧所
图书馆里面有好多青年放假喺度做兼职,好过我哋做亲简兼职都系去SELL嘢...
HK游记 - harry - 哈梨見竹視霧所
唔好以为呢啲系咩好好好豪华嘅藏书,其实,行近啲睇...
HK游记 - harry - 哈梨見竹視霧所
佢哋系一本本装订好嗮嘅杂志合集!!哗!啲装裱仲靓过我哋啲平装书啊!谂翻起广大图书馆嗰啲装订质量就...= =|||

嗰度有好多电脑随便你上网,又有好多影印机随便你影印资料,真系非常功能完备!非常服务大众!非常豪华啊!

上咗阵网,又继续周围行,中环、铜锣湾啲环境真系好过油尖旺嗰边好多,行喺条街度好舒服!

HK游记 - harry - 哈梨見竹視霧所
皇室堡商场嘅举行JB糖豆机,里面啲糖系坚嘎!!好想捧翻屋企啊!可以食唔知几多年了!
HK游记 - harry - 哈梨見竹視霧所
唔讲得笑,真系好多jb糖豆...其实我喺呢间商场嘅玩具反斗城里面就真系买咗盒嚟食,童年嘅回忆啊啊啊啊...

HK游记 - harry - 哈梨見竹視霧所
喺美心MX里面见到嘅我所见过最厚道嘅冰冻奶茶!真系“冰冻”,唔系“奶茶+冰”嘎!不过本人就唔多中意港式奶茶只味...

JOUR 2
HK游记 - harry - 哈梨見竹視霧所
第二日,去咗大埔。嚟香港之前听闻大埔有间群记清汤牛爽腩几好,于是就专情嚟试下。顺便睇下附近嘅一件铁路博物馆,影下相~
点知去到问人先发觉,个铁路博物馆啱啱嗰日休馆...唉...
跟住就去咗嗰间群记喇。
要咗两碗清汤牛爽腩,味道几好,尤其系嗰碗汤,真系好好饮!
HK游记 - harry - 哈梨見竹視霧所
但埋单嗰阵先发现,原来佢要60蚊一碗....HK游记 - harry - 哈梨見竹視霧所

路过见到间海味铺,有埋代寄国际包裹嘅功能= =.....
HK游记 - harry - 哈梨見竹視霧所
真系国际化都会啊哈....

傍晚,去咗尖沙咀海傍睇日落,维多利亚港黄昏嘅景色真系好靓啊!
HK游记 - harry - 哈梨見竹視霧所

HK游记 - harry - 哈梨見竹視霧所

HK游记 - harry - 哈梨見竹視霧所

HK游记 - harry - 哈梨見竹視霧所

HK游记 - harry - 哈梨見竹視霧所

HK游记 - harry - 哈梨見竹視霧所
呢间星巴克喺正岸边,两层楼,景色一流啊!黄昏时份喺窗边叹翻杯啡就一流啦~
HK游记 - harry - 哈梨見竹視霧所

JOUR 3
早上同区美娟小姐去睇咗HP6...呃,就真系有少少无聊咯...
今日香港书展开幕,区美娟小姐话佢有F喺里面做,可以免费带我哋入去...于是,我哋两个人就喺中环转咗无数圈,最终喺一个第三次行过嘅地方揾到佢个F,再次印证咗上文某一句话...
冇乜质量咁听咗个讲座,又听咗个冇乜质量嘅讲座...又随便行咗下,就逃离咗个人山人海嘅书展啦...

喺中环终于食到一间唔记得叫咩名嘅法国快餐啦,从个waiter口中讲出嘅嗰句吓死人BONJOUR(我明明系听到“BANZUT)开始,呢间餐厅就冇畀到好嘅印象我...
HK游记 - harry - 哈梨見竹視霧所
咁嘅残留量,就足以说明呢间嘢嘅美味程度了...

晚黑顺路行咗下兰桂坊,比想象中仲要细,不过就真系好有FEEL,好多鬼佬揸住支啤就咁企喺酒吧门口倾计(照片请等我卷菲林冲洗出嚟...)

HK游记 - harry - 哈梨見竹視霧所
哈根达斯,从呢被嘢开始,我对啲“XX莓”嘅好感冇嗮....

JOUR 4
早上睇咗出更加无聊嘅电影,跟住就出发去南丫岛啦!中午到埠,跟住我哋好懒咁埋头就瞓,一直瞓到4点几...
傍晚从码头嘅宾馆出发,要行一段村路先到洪胜爷沙滩。如果中意安静嘅话,呢段路拍拖系一流嘎!尤其系喺傍晚。
去到海滩,人唔系好多,岸边嘅唔知咩树下落满咗黄色嘅花,好靓。
沙滩长度比想象中要短好多,原先谂住沿住海滩行嘅我哋,只好行出个海度啦。
惊奇咁发现,海底嘅沙全部都系人工铺设嘅,行到出海几十米,水深依然得米几!咁样个海滩畀人活动嘅空间就大咗啦!呢份心思值得称道!香港人好识得将有限嘅资源利用得好充分,景点建设非常一流!
两个人喺个海度睇日落嘅感觉真系好好!有浮力嘅帮助,各位男仔可以冇嗮顾虑咁抱住超磅另一位企喺海里面睇日落!
仲见到一pair人喺个海里面狂嘴……不过点嘴都系得咸味吧……
起水后,发觉海滩边嘅更衣室、厕所、淋水设施都做得好好,好大部分系因为佢干净郑洁嘅关系,呢一点,喺大陆就算有关部门有心咁整,喺我哋十几亿冇乜素质嘅同胞摧残底下都几难保持得到了...

HK游记 - harry - 哈梨見竹視霧所
南丫岛好多鬼佬,好多狗...喺呢个岛上面,狗加埋鬼佬就多过中国人了...
无论系咩钟,呢度嘅狗同大陆见到嘅都好唔同,唔会话见到好纯种好高级嘅狗,但系啲狗样同我哋平时见到嘅有好鬼唔同喔...都唔知点样形容,得闲大家去睇下就知道啦~

JOUR 5
原先话睇日出,4点钟嘅闹钟响咗之后,我哋两个好有默契咁继续瞓- -...
瞓到中午,终于要起身啦,日头好兴,所以从榕树湾行去索罟湾嘅计划就取消咗啦...
HK游记 - harry - 哈梨見竹視霧所
临尾影翻张相留念...发电厂嘅三支大烟通,另外一边仲有个大风车...

HK游记 - harry - 哈梨見竹視霧所
喺中环码头见到嘅超级牛车牌...不过HP得翻1,揸车小心啊= =...

HK游记 - harry - 哈梨見竹視霧所
好中意天星小轮嘅古老感觉。相等我筒菲林冲出嚟之后再发上嚟。

下午行咗阵街,决定将长洲嘅行程行埋佢,于是又坐船去长洲...
长洲畀南丫岛热闹好多,虽然细啲,但玩嘅嘢就多啲。

HK游记 - harry - 哈梨見竹視霧所
太平清醮嘅平安包造型嘅各种各样嘅手信...忍咗好耐终于冇出到手...

HK游记 - harry - 哈梨見竹視霧所
网球咁大粒嘅长洲大鱼蛋,爽口弹牙十分之一流!

HK游记 - harry - 哈梨見竹視霧所
加量版钵仔糕,冇试过...

HK游记 - harry - 哈梨見竹視霧所
梅力提到过嘅炸薯仔,以及新产品冰冻杂果,消暑解渴一流!

HK游记 - harry - 哈梨見竹視霧所
租咗两部单车四围踩,都系见唔到个日落,后来发现原来太阳公公畀好大嚿云遮住咗...

HK游记 - harry - 哈梨見竹視霧所
嘿嘿嘿...

长洲岛真系一流嘅地方,最适合几PAIR人一齐去玩,住翻一两晚。

晚上,区美娟小姐突然话佢屋企有急事第二朝要翻开平...
咁样,我嘅HK之旅就戛然而止喇....留翻个澳门签证下次再去啦~

fin







  评论这张
 
阅读(28)| 评论(7)
推荐

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017